Martinez tan season a tawp

Manchester United defender Lisandro Martinez-a khup hliam chu endik a ni a, tun season chhungin a inkhel thei dawn tawh lo - Ruben Amorim tan chuan chanchin hriat nuam lo tak a ni ngei ang.

Kum 27 mi Martinez hi Crystal Palace nen Premier League an khelh ṭumin a inhliam a, thlak nghal niin a hnuah a hliam hi endik a ni. Nimin tlai khan Manchester United chuan thuchhuah siamin, "Uluk takin endik a ni a, dam leh tur chuan hun a mamawh rei dawn.

"Manchester United chuan Lisandro Martinez hi dam leh thuai turin kan duh a, zawimuangin enkawlna ṭha tak hnuaiah a dam leh pawh kan beisei, keini chuan kan thlawp tlat dawn a ni," tiin an sawi.

Argentina international Martinez a hliam leh takah chuan Amorim tan tlarhnungah chhawr tur an tlem leh sawt dawn tihna a ni a, season an hman ṭhat loh avangin insiamṭhat an mamawh a, chutihlaia an player pawimawh a hliam hi a hmunruak hnawh khah a harsa mai thei.