Felix-a'n goal a khung nghal

Joao Felix chuan a team thar AC Milan tana a match hmasa berah goal a khung nghal, team ṭha AS Roma lakah a team hi 3-1 a chak puiin Coppa Italia quarterfinal an lut.

San Siro-a inkhelah Tammy Abraham chuan goal hnih a khung a, mikhal team Roma lamin second half tir lamah Artem Dovbyk chuan si phurh a sut ṭhen, mahse Roma lamin beiseina an neih san leh lai takin Felix chuan Milan chak nemnghehna a khung.

Chelsea aṭanga loan hmanga an lakluh Felix hian Mile Svilar hnen aṭanga a ball hmuh chu tawih zet a chip lutin an goal thumna a khung a, amah anga English football khel ṭhin Abraham leh Kyle Walker te nen an ṭangkai hle.

Milan manager Sergio Conceicao chuan, "Football bulṭhut hi ka sawi ṭhin a, thil awlsam leh holam taka kan ngaih hi tih peih a ngai ṭhin, tunah chuan a bul aṭangin kan ṭan ṭha hle niah ka ngai a, chu chuan min ti lawm bawk.

"Ṭhiante ball pass mai te hi ṭhenkhat chuan an harsat, tunah chuan nuamti takin kan khel tlang tih a taka hmuh khan min ti lawm," a ti a, Coppa Italia mai bakah Serie A thlengin match ṭha khelh chhunzawm an beisei thu a sawi bawk a ni.