Cummins-a'n Champions Trophy a khel dawn lo?

Australia coach Andrew McDonald chuan captain Pat Cummins chu Champions Trophy khel tura a inpeih hman a rin loh thu a sawi. Inelna hi February 19 - March 9, 2025 chhungin Pakistan leh United Arab Emirates-ah khelh a ni dawn.

Fast bowler Cummins hi Australia leh Sri Lanka ten Test series an khelh mekah pawh a tel a, kum 31 mi Cummins hian a nupui Becky Boston nen fa pahnihna an neih bakah a ke rekah hliam a nei bawk.

McDonald chuan, "Patty hi a tel theih a rinawm loh zawk a, a inlan thei lo a nih chuan tuarna nasa tak a ni ang. Josh Hazlewood pawh a dinhmun a chiang lo bawk," tiin a sawi.

Cummins hi a tel thei dawn lo a nih chuan Australia-in captain tur an ngaihven a ṭul dawn a, all-rounder leh vice-captain Mitchell Marsh chu hnung zâng na vangin a inlan thei dawn lo bawk.

Steve Smith leh Travis Head te chu catpain thei tur zinga mi an ni a, Smith hian ODI match 59-naah captain-na a chelh tawh. Head erawh ODI-ah captain la ni lo mah se T20-ah erawh captain hna a chelh tawh thung.