Celtics chak ve ta

Game hmasa pahniha an chak loh hnuah Boston Celtics chuan chak ni hmel an hmu ve leh ta. Pathianni zinga Eastern Conference finals game 3 inkhelah Celtics hian Miami Heat 117-106 in an hneh.

Celtics coach Brad Stevens chuan, "Engkim kha a fuh vek," tiin a naute khelh dana a lungawi thu a sawi a, Heat coach Erik Spoelstra pawhin an khingpui khelh fuh ni an tawn thu a sawi. Playoff chinah Heat hian vawi hnih chiah chak loh an la nei.

September 24, Ningani zingah game 4 an khel leh dawn. Heat lamin series-ah 2-1 in hma an hruai a, rinkai zawk an ni mek. Chutihrualin Celtics an phur thar leh chiah a, Jaylen Brown leh Jayson Tatum an khelh fuh chhunzawm chuan an tan kawng a inhawng zau viau bawk.

Inrinni zing khan Western Conference finals game 1 khelh ṭan a ni a, rinkai zawk Los Angeles Lakers chuan Denver Nuggets 126-114 in an hneh. Lakers tan point 37 a neih baka rebound vawi 10 la tu Anthony Davis a hmuhnawm hle.