Medvedev hnehtu Bellucci

Tennis inelna Rotterdam ATP quarterfinal-ah rinkai Daniil Medvedev a chak lo. Russian tlangval hi qualifying paltlanga inlan ve hram Mattia Bellucci lakah chak loin a zinkawng a tawp.

Kum 23 mi Bellucci hi ban vei lam hmangthiam a ni a, a tawn san lai ber chuan world number 92 a lo ni ve tawh - world number 10 chin a hnehna hmasa ber ni turin Medvedev hi 6-3, 6-7 (6), 6-3 in a hneh.

Italian tlangval Bellucci chuan, "Darkar thum chhung match hautak kan khel a, minute thin mai kha nuam ka ti em em vek. Service kha a pawimawh thei em em a, tihsual a rem lo tih pawh ka hrechiang, a tawpah a vannei zawk ka ni," tiin a sawi.

World number 7 Medvedev hian a match hmasa zawkah Stan Wawrinka a hneh, Grand Slam vawi thum champion tawh lakah khel ṭha viau mah se Bellucci lakah erawh a ding tlang zo ta lo.