Suns lakah Thunder chungnung

Shai Gilgeous-Alexander-a point 50 teh meuh neih hmangin Oklahoma City Thunder chuan Phoenix Suns chu 140-109 in an hneh a, Western Conference hmahruaitu an nihna chu an sawhnghet chhunzawm zel.

Quarter hnihna khelh laiin Suns hian point 12 ngawtin hma an hruai fal, chak turin an dinhmun pawh a ṭha hman hle. Mahse, quarter thumna bikah Thunder hian 43-16 ngawtin an vawlet a, an chungnung chhunzawm ta hle a ni.

Thunder chak puitu Gilgeous-Alexander chuan, "Basketball nuamti taka kan khelh chuan a tawpah chanchin duhawm a lo thleng mai ṭhin, tun ṭumah pawh khan mimal lansarihna aiin team kan chak kha ka ngaipawimawh zawk," tiin a sawi.

Inkhel dangah San Antonio Spurs chuan Atlanta Hawks chu 126-125 in an hneh, hun tawp hma second 2.4 chauh a awm tawh tih laiin Victor Wembanyama chuan free throw vawm lutin a team a chak pui a, hnehna hlu tak a ni ngei ang.