Simona Halep a kal tluang

Rome Open khelh laiah Simona Halep a kaltluang viau, Romanian star hian Yulia Putintseva chu 6-2, 2-0 a hnehin semifinal a inhlangkai. Putintseva hi set hnihna an khelh laiin hliam vangin a inkhel zui thei ta lo a ni

.

World number 2 Halep hian final lut tur chuan Garbine Muguruza a paltlang leh a ngai dawn, nizan khan semifinal hi khelh niin he thu buatsaih lai hian result kan hre hman lo. Spanish nula hian US Open finalist Victoria Azarenka 3-6, 6-3, 6-4 in a lo hneh ve thung.

Azarenka hi tun hnaiah a khel ṭha a, New York khawpuia a chak loh hnuah tournament khel turin Italy a pan leh nghal, ṭha takin khel leh mah se inelna an neih rei hnuah a taksa a chau tih a hriat.

Elina Svitolina erawhin beisei a phak lo, seeded palina hi Marketa Vondrousova lakah 6-3, 6-0 in a chak lo. Svitolina hian tun hmain Rome Open nomawi hi vawi hnih a chawi tawh, kuminah hian US Open khel loin clay court season atan a insawrbing a, beisei ang erawhin thil a thleng vek lo.

September 27 aṭangin Paris khawhpuiah French Open khelh a ni dawn a, tuna tournament khelh lai Italian Open hi Roland Garros inbuatsaihna a ni.