Inter-ah Mario a lut

Serie A club Inter Milan chuan Sporting Lis-bon midfielder Joao Mario chu pound mak-taduai 38.4 in an lalut a, Portuguese club-in Portuguese player an hralh tawh zinga manto ber a ni.

Sporting vek hian Man-chester United hnen-ah Nani chu pound maktaduai 25-in an lo hralh tawh a, he record hi Mario hian khumin a contract rei zawng erawh puanzar a ni lo thung.

Inter Milan president Erick Thohir chuan, "Mario hi player pawi-mawh tak, hun rei tak chhung kan lo enruk tawh niin kan squad ti chak thei tur player a ni," tiin a sawi.

Kum 23-a upa Mario hian Sporting-ah a career
ṭanin match 171 a inlan sak a, Euro 2016-a Portugal an champion-na kawngah khan match zawng zawng khel kim vekin an player pawimawh pawl a ni.