Sindhu kutah infiammite chawimawina sang Khel Ratna

India rama infiammite chawi-mawi-na dawn theih sang ber Rajiv Gandhi Khel Ratna award chu nimin khan Delhi-ah India president Pranab Mukherjee-a'n badminton shuttler PV Sindhu, wrestler Sakshi Malik, gymnast Dipa Karmakar leh shooter Jitu Rai te kutah a hlan.

Heng infiammi palite hian Rio Olympic-ah khan India ai an awh a, Sindhu hian hmeichhe singles-ah silver lain Sakshi hian wrestling-ah bronze medal a la thung. Tripura nula Karmakar hi hmeichhe gymnastic vault-ah pa-lina niin Jitu Rai hi mipa 10m pistol inkahsiakah parukna a ni thung - tun ṭum hi athlete paliin Khel Ratna an hui vek ṭum khatna a ni.

Khel Ratna hian cheng nuai sarih leh singnga a keng tel, nimin vek khan Dronacharya Award, Arjuna Award leh Dhyan Chand Award te pawh sem nghal niin infiammi 28 hnenah hlan a ni.