West ham-ah Juventus striker Zaza

Premier League club West Ham chuan Serie A champion Juventus aṭangin Simone Zaza chu season khat chhung atan loan-in an lalut. Hammers hian Italy striker an hawh manah hian Turin club hnenah pound maktaduai 4.3 an pe.

West Ham hian an duh a nih chuan kum 25-a upa Zaza hi a nghetin poud maktaduai 17 bawrin an lalut thei dawn a, league match-a a inlan tam dan azirin pound maktaduai 2.5 a san belh thei a ni bawk ang.

Zaza hian kum 2015 July thla khan Juve hi a zawm a, match 24 a khelh aṭangin goal riat a khung. Turin club hian Napoli aṭangin manto takin Ginzalo Higuain an lakluh bakah Mario Mandzukic an neih bawk avangin Zaza hian a inkhelh tam theihna tur hmun a zawn a ṭul.

2016 European Championship-a Italy squad-ah khan Zaza hi a tel ve a, penalty shootout-a Germany an hneh loh ṭum khan a pet goal lo nghe nghe.

Zaza chuan, "Stadium tharah,
ṭhian thar leh fan tharte nena bul ka ṭan thei tur hi ka lawm. Juve-a hun hlimawm tak ka hman hnua chona thar ka hmachhawn leh thei tur hi ka phur hle," tiin a sawi.

Slaven Bilic-a'n Andre Ayew, Manuel Lanzini, Arthur Masuaku leh Edimilson Fernandes te a lo lalut tawh a, tun nipui chhung hian player 11 lakluh nan pound maktaduai 60 chuang a hmang tawh.