Saina a hnungtawlh

Badminton World Federation-in ranking a tihchhuah thar ber-ah Saina Nehwal a hnung-tawlh a, number 5 aṭangin 9-ah a tla thla.

World number 1 hlui Saina hi Brazil-ah khan knock out round lut loin a tla nghal a, Olympic-a a chetṭhat loh chhan hi a khup hliam vang niin Hyderabad nula hian a sawi. Indian shuttler hi a khup zai zui nghal a ni a, hei vang hian thla li chhung chu a awl a
ṭul dawn a ni.

Rio Olympic silver medalist PV Sindhu erawh a dinhmun ngai 10-naah a la awm. Sindhu hian Olympic-ah final lutin world no. 1 Carolina Marin hneh lo mah se silver medal dawng turin world number 4 Wang Yihan leh number 3 Nozomi Okuhara te a hneh thung a ni.

Rio Olympic-a India mipa singles shuttler neih chhun Kidambi Srikanth chuan quarterfinal-ah world champion vawi nga ni tawh Lin Dan hneh lo mah se ranking-ah hmasawn hretin 11-na aṭangin 10-naah an inhlang chho.