Raonic leh McEnroe inṭhen

World number 6 Milos Raonic leh a coach John McEnroe te chuan US Open khelh ṭan hmain an thawhdunna an ti tawp.

Grand Slam vawi sarih champion McEnroe hian May thla khan Raonic hi a enkawl ṭan a, a vawi khat nan Canadian tlangval hian Wimbledon final lutin Andy Murray a hneh lo thung.

Kum 25-a upa Raonic hian a coach nena thawh-dun chhunzawm zel duh mah se McEnroe hian ESPN leh BBC-ah pundit hna a thawh bawk avangin coaching lamah a hun a hmang tam thei lo a ni.

Nizan aṭanga khelh ṭan US Open-ah Raonic hi a inlana, tukin khan German tlangval Dustin Brown nen an inhmachhawn.