Greek ramah Lescott

Aston Villa defender Joleon Lescott chuan AEK Athens a zawm a, Greek club ṭha tan hian season hnih chhung khel turin contract a ziak. Kum 34-a upa defender lakluh nan hian AEK hian sum an sen leh sen loh tarlan a ni lo.

Manchester City de-fen-der hlui hian season hmasa ṭan dawn khan West Brom aṭangin Villa a pan a, season hnih chhung khel turin contract a ziak. England international hlui hian a season khatnaah league match 30 khel nghal mah se Championship lama an tlak avangin Villa hi a chhuahsan.

Everton aṭanga lar chhuak Lescott hi Scot-tish club lian Rangers nen indawr hman mah se hlawh chungchangah an inrem theih loh avangin Greek Super League club zawm hi a thlang ta zawk a ni.