Leicester-in Slimani an beisei

Premier League champion Leicester City chuan Sporting Lisbon striker Islam Slimani lakluh tumin Portuguese club hi an dawr a, Algerian forward man zata pound maktaduai 34.1 an chhiar erawh Foxes hian an la pawm lo thung.

Kum 28-a upa striker hian kum 2013 khan Sporting hi a zawm a, inelna hrang hrangah match 79 inlan sakin goal 47 a khung sak a, Premier League club-a khelh a chak thu a phat loh avangin Sporting tan a man an chhiar zat anga hralh kher a beiseiawm loh.

Algeria international hian World Cup 2014-ah khan an ram tan a inlan a, match li inlanin goal hnih a khung. Algeria tan hian match 43 khelin goal 23 a khung tawh a, kum 2013 khan Algerian footballer of the year dinhmun a lo luah tawh bawk.