Lyon an chak zo lo

Olympique Lyon-in French Ligue 1 season bul an ṭan fuh loh chu an insiam ṭha hleithei lo. Zirtawpni zan khan an mikhual Nimes nen goal awm loin an inhnehtawk a, match li aṭangin point nga chauh an la hlawh chhuak.

Champions League semifinalist hi Bordeaux nen an inhnehtawk hnuah Montpellier an ngam lo a, table-ah 10-na dinhmun luahin insiamṭhat an ngai takzet - an match lehpekah chuan Lorient khelmualah an leng-

lut ang.

Lyon hian hun ṭha insiam mah se an vannei tawk lo, minute lina lekah striker Moussa Dembele-a'n goal khung mah se ball a lak hmain line a pel hman tawh a, pawmsak a ni lo. Nimes keeper Baptiste Reynet chuan midfielder Bruno Guimaraes khung tur ṭha zetin a dansak bawk.

Ligue 1 season kal laiah hian match li khelh aṭanga point 10 hmutu Rennes chuan hma an hruai mek. Nizan khan champion lai Paris Saint-Germain chuan an match lina an khel a, an chak a nih chuan point ruk an nei ve ang.