Mexico ramah Ramos a kal

Real Madrid defender hlui Sergio Ramos chuan inkhelh a la chawlhsan mai dawn lo, kum khat chhung atan Mexican club Monterrey a zawm - inremna hi an ziak fel tawh a ni.

Kum 38 mi Ramos hi a vanglai chuan khawvela defender ṭha berte zinga mi a ni, season hmasa tawp rual khan a chawr chhuahna Sevilla a chhuahsan a, a hnu lamah club nei loin a awm a, tunah erawh khelhna tur a nei leh ta chiah.

Ramos hian an ram Spain tan pawh sulhnu a nei lian hle - World Cup 2010 khan an champion a, hei bakah hian European Championship 2008 leh 2012 te pawh a lakpui bawk, a sulhnu hi a hrawl hle a ni.

A khelhna tur Monterrey hi Manchester City defender hlui Martin Demichelis enkawl a ni a, an khelna Liga MX table-ah 10-na an nih mek avangin hmasawnna tur an ngah dawn tih a chiang.