Stoinis-a'n ODI a chawlhsan

Australia all-rounder Marcus Stoinis chuan ODI cricket aṭanga a chawlh thu a puang a, tun thlaa neih ṭan tur Champions Trophy-ah a tel dawn lo.

Kum 35 mi Stoinis hian Australia-in 2023 World Cup an champion khan match ruk a khel a, hemi hnu hian ODI match khat chauh khel mah se Cameron Green inhliam vangin Aussies aiawh tur zinga tel tura ngaih a ni.

Stoinis chuan, "Thutlukna harsa tak a ni a, ka thlir dan chuan tun hi ODI kalsanna hun ṭha a ni a, ka career dangah insawrbing a ṭulin ka hria. Coach Andrew McDonald nen kan inhre ṭha a, a thlawpna ka hmuh avangin ka lawm. Pakistan-ah pawh result ṭha tak an neih ngei ka beisei a ni," tiin a sawi.

All rounder Stoinis hian Australia tan kum 2015 aṭang khan khel ṭanin ODI match 71 a khel a, 1495 siamin 26.69 average a nei pha a, century vawi khat chauh siamin kum 2017 khan New Zealand lakah thi loin 146 runs a siam. Stoinis hian T20 erawh a la khel chhunzawm ang.