Harsa takin Tsitsipas a chak

Tennis inelna Rotterdam Open khelh laiah Stefanos Tsitsipas a chak hram - Greek tlangval hian a khingpui Tallon Griekspoor-a'n match point a hmu tawh chu a pawtthla leh hram a ni.

World number 12 Tsitsipas hian season bul a ṭan fuh tawk lo, insiamṭhat tuma bei mek a ni. Tualchhung tlangval nen hian darkar thum chhung an inkhel a, a tawpah 6-7 (7-5), 7-6 (8-6), 7-5 in a chak.

Tsitsipas chuan, "Darkar 10 chhung vel inkhel ang mai ka ni, ka khingpui Tallon kha a tlan tamin a taima em em a, ka tan chuan hneh kha a harsa hle. Chak tur khan ka theihna zawng zawng ka seng a, keimaha a ṭha ber kha a rawn hai chhuak chiang hle a ni," a ti.

A match lehpekah chuan Tsitsipas hian Mattia Bellucci a hmachhawn ang, Italian tlangval hian a match hmasa lamah seeded pahnihna Daniil Medvedev a hneh thei a, inkhel awlsam tak beisei chi a ni lo ang.