Chelsea ngam loh Brighton

Brighton chuan goal an phurh hmasak hnuah Chelsea 2-1 in an hneh let a, chakna goal khungtu chu Asian tlangval Kaoru Mitoma a ni. FA Cup fourth round paltlang zo loin Blues an tla a ni.

Inrinni zan American Express Stadium-a inkhelah goal kan hmu hma, minute nga lekah Cole Palmer-a cross chu Brighton goalkeeper Bart Verbruggen chuan anmahni lamah a ti lut a, mikhual lam chu dinhmun ṭhaah an ding.

Mahse, Georginio Rutter chuan Joel Veltman-a cross chu tawih zet maiin a tauh lut a, 1-1 in chawlhlawk an hmang. An inhnehtawk laiin Palmer-a'n hun ṭha bik a nei a, mahse goal bar chungah chiah a tauh liam.

Brighton hmuhnawm zuiin goal an nawr na, minute 57-naah Rutter-a ball pek chu Kaoru Mitoma-a'n zuang chungin a awmin a dang a, keeper Robert Sanchez rawn tlan chhuakin a dan hman loh turin a khung a, round sang zawk an inhlangkai.

Chelsea coach Enzo Maresca chuan, "Ka sawi fo tawh a, engtin nge 1-0 a hnehna chan hi kan thiam theih ang tih pawh hriatthiam a harsa ta. Tuna kan chak lohna hi a zahthlak, kan chet dan hi uluk takin kan enlet ang," tiin a sawi.

Blues tan hian Premier League nomawi beisei chi a ni tawh lo. League Cup leh FA Cup aṭangin an tla ta a, tun season chhunga an champion theih beiseina awmchhun chu Europa Conference League chauh a ni tawh ang.