Judo-ah Mizoram beiseina a tawp

Uttarakhand-a neih mek, National Games 2025-ah Mizoramin judo-a beiseina an neih chu nimin khan a tawp nghal - National Games-a inlan tur hian Mizoram aṭangin judo player HC Lalchungnunga, R. Vanrammawii leh Lalhumhimi te an tling a, mahse, an chak zo lo vek.

Nimin khan Dehradun-ah judo inelna neih a ni a, Bawngkawn tlangval HC Lalchungnunga chuan Mahrashtra lam mi Ishan chu -66kg huangah hmachhawnin, a chak lo zawkah a ṭang - Mizoram tana a medal beiseina a tawp.

Hmeichhe inelna lamah Zemabawk nula pahnih R. Vanrammawii leh Lalhumhimi te an inlan a, an chak zo lo ve ve bawk - Vanrammawii hian Manipur nula N. Sarah chu -52kg category-ah hmachhawnin, a chak lo zawkah a ṭang.

Hetihlai hian -52kg-ah vek Lalhumhimi inlan in, Madhya Pradesh lam mi Sandhya chu hmachhawnin, a chak zo ta bik lo a, Mizoramin judo-a kan beiseina chu mangṭha a ṭul ta a ni.

Mizoram team hi Dinthar mi Madhu Chhetri chuan coach niin a kaihruai a, Lunglei nula PC Remlalliani chu manager niin a kal bawk.