Raducanu a tla nghal

Emma Raducanu tan kum ṭha a ni thei rih lo - British nula hi Qatar Open-ah a inlan a, a match hmasa berah Ekaterina Alexandrova hneh loin a zinkawng a tawp leh nghal a ni.

British number 1 Raducanu hi set pahnihah 3-1 ve ve in a hnufual, a khingpui Russian nula Alexandrova hi 6-3, 7-5 a chakin second round a inhlangkai ta zawk a, a match lehpekah chuan seeded pakhatna Aryna Sabalenka a hmachhawn ang.

Doha-a inelna neih hi tun season atan chuan WTA 1000 event hmasa ber a ni, duhsak takin Raducanu hi wildcard pek a ni a, amaherawhchu an duhsakna te chu ṭha takin a changlet thei ta lo a ni.