Wisdom-a'n Reds chhuahsan dawn

Liverpool defender Andre Wisdom chuan season khat chhung loan-a khel turin Austrian club
ṭha FC Red Bull Salzburg a zawm dawn. Kum 23-a upa defender hi Celtic nen sawi zawm hman ni mah se Austria lam a pan dawn ta zawk a ni.

Liverpool hian Spa-nish forward Luis Alberto chu Lazio hnenah pound maktaduai 4.3-in an hralh bawk. Reds hian Alberto khelh ṭhat dan a zirin pawisa an dawn belh ang a, Lazio hian an hralh chhuak leh a nih chuan 30% pawisa an dawng ve bawk ang.

Kum 23-a upa forward hi kum 2013 khan a hunlaia Reds manager Brendan Rodgers chuan Sevilla aṭangin pound maktaduai 6.8-in an lalut a, Liverpool tan match 12 bak a inlan lo.

Season hmasa kha Deportivo La Coruna-ah loan-a hun hmangin La Liga club tan hian inelna hrang hrangah match 31 inlanin goal ruk a khung sak a ni.