Sanches a inhnukdawk

Euro 2016 best young player Renato Sanches chu Portugal-in friendly match an khelh tur leh World Cup qualifying khel tura koh ni mah se a tihrawl na vangin a inhnukdawk.

Portugal hian Ningani zan dar 12:15-ah Gibraltar an hmachhawn ang a, hemi hnuah Switzerland an hmachhawn leh ang. Bayern Munich doctor Volker Braun chuan heng inkhelah te hian Sanches a inlan theih loh tur thu a sawi.

Kum 19-a upa mid-fielder hi kartawpa Bayern Munich-in an league match hmasa bera Werder Bremen 6-0 a an sawp
ṭum pawh khan bench ah hun hman tluantir a ni.

Bayern doctor chuan, "Renato tihrawn na hi duhthusamin a la dam lo a, ngai awh leh tur chuan hun a la mamawh," tiin a sawi.

Euro champion Por-tugal hian an captain Cris-tiano Ronaldo chu hliam vangin an lo chan tawh a, goalkeeper Anthony Lopes chu a dar a hliam avangin a aiawh turin Marafona koh a ni bawk.