Watford-ah Italy striker

Premier League club Watford chuan Italy striker Stefano Okaka chu Anderlecht aṭangin an lalut a, kum nga chhung atan contract ziahpuiin a man zat erawh puanzar a ni lo thung.

Kum 27-a upa Okaka hian season hman zawh takah khan Anderlecht tan inelna hrang hrangah goal 17 khungin Europa last 16 a inhlankaipui a, Belgian Pro League-ah pathumna dinhmun an hauh bawk.

Italy tan vawi li inlana goal khat khung tawh striker hi England-ah a mikhual dawn lo. Kum 2010 khan Roma tan a khelh laiin Fulham-ah thla li chhung loan-in a khel a, Premier League match 11-a inlanah goal hnih a khungsak.

Watford hian tun sea-son Premier League-ah match thum khel tawhin chak hmel an la hmu lo a, Chelsea leh Arsenal chu an muala an hneh loh hnuah Southampton chu khualmualah an inhnehtawkpui bawk.