Marseille lei tum Frank McCourt

US lama baseball club lar LA Dodgers neitu pawh lo ni tawh Frank McCourt chuan French club ṭha Olympique de Marseille lei a tum a, sum a sen tur zat tarlan ni chiah lo mah se kum tawp lamah chuan Ligue 1 club hi American sumdawng hausa kutah hian a awm hman rin a ni.

Marseille neitu, sum-dawng hausa tawntaw Margarita Louis-Dreyfus chuan fan-te hnen aṭanga dodalna a nasat avang leh club-in result ṭha a neih theih loh avangin Ligue 1 club hi hralh a tum thu a lo sawi tawh a, a thusawi dikna a thleng dawn ta niin a lang.

McCourt chuan, "Mar-seille hi champion team ni leh tura puih ka tum a, ka phur em em a ni. Kumtin league nomawi beisei ngam tur club neih ka duh a, chu chu he club hi a ni," tiin a sawi.

Marseille hian season hmasa kha league-ah 13-na nichungin an khar a, French Cup final-ah PSG an hneh lo bawk. Tun season-ah league match thum khel tawhin 11-na dinhmun an luah mek bawk a ni.