Vawiin tlai 4:30-ah AFC Vs Real Kashmir

MPL champion Aizawl FC-in Durand Cup-a an match hmasa berah nikum I League 2nd Division champion Dempo SC 3-1 in an hneh a, vawiin tlai dar 4:30 hian Harbaksh Stadium, Delhi-ah Real Kashmir FC an hmachhawn ang.

Real Kashmir hian August 29 khan Manipur club Neroca chu 0-2 in an hneh lo a, Neroca hi nikum I League 2nd Division-ah pathumna an ni. Hei vang hian vawiin inkhel turah Aizawl FC hi chungnung zawk tura ngaih an ni.

Aizawl FC coach lai-lawk Lalruatdika chuan, "Dempo kan hneh ṭumin inhliam vangin Albert-a ka la chhuak a, Real Kashmir hmachhawn zuam tawh mah se chhawr ngam a la ni lo mai thei. Kan team kan phur tlang a, result ṭha tak kan hlawhchhuah zel theih kan beisei," tiin Vanglaini palai a hrilh.