India tlangval chak lo

Nizan aṭanga khelh ṭan US Open-ah India tlangval Saketh Myneni chu a match hmasa berah world number 49 Jiri Veseley hneh loin a tla nghal.

World number 143 Myneni hian set ngana an khelh laia match point hmu hmanin second round lut turin a dinhmun a ṭha hman. Mahse, a hun ṭha a chhawr ṭangkai theih loh avangin darkar thum leh minute 47 an inkhelh hnuah 6-7 (5), 6-4, 6-2, 2-6, 5-7 in a chak lo.

Kum 28-a upa Myneni hi Grand Slam inelnaah hian tun hmain singles-ah a la inlan phak ngai lo a, kuminah dai ngai loh ram daiin a beisei ram erawh a thleng lo thung.

US Open-ah hian India nula Sania Mirza leh a kawppui Romania nula Monica Niculescu te chu hmeichhe doubles-ah an inkawp dawn bawk a ni.