Sergio Aguero a inhliam

Manchester City stri-ker Sergio Aguero chuan kartawp Premier League a West Ham an hneh ṭumin a chawnah hliam a tuar a, hei vang hian Zirtawpnia Argentina leh Uruguay ten World Cup 2018 qualifiers an khelh hunah a inlan dawn lo - captain Lionel Messi dinhmun a chiang lo bawk.

Argentina Football Association chuan an srtiker Aguero inkhelh theih loh tur thu hi an ti chiang tawh. Hetihlai hian Copa America final-a Chile an hneh loh hnua ram tan inkhelh a chawlh san thu a sawi hnua lo kir leh tur Messi erawh Barcelona lam chuan Pathianni zana Athletic Bilbao an hneh
ṭum khan a malpui a ti na niin an sawi ve thung.

Catalan club chuan, "Ram tana a inkhelh dawn leh dawn loh chu a hliam dam chhoh dana zir a ni ang," tiin an star player chu hliam nei chunga inkhelh lo turin an duh hle.

Argentina hian match ruk khelh tawh aṭanga point 11 hmuin point 13 hmu pahnih Uruguay leh Ecuador te chiah an phak lo. Argentina hian Zirtawpni zing dar 5:00-ah Uruguay an hmachhawn anga, September 7-ah Venezuela an hmachhawn leh bawk ang.