Man City keeper koh a ni lo

Barcelona aṭanga Man-chester City zawmtu goalkeeper Claudio Bravo chu World Cup qualifier khel tur Chile squad-ah telh a ni lo.

Chile football thuneitu sang Asociacion Nacional de Futbol Profesional chuan an captain an koh loh chhan hi mimal leh chhawngkaw rokhawlhna vang a nih thu an sawi.

Copa America a zawna an champion theih nana an player pawimawh hian Ningania Paraguay an hmachhawn hunah leh September 6-a Bolivia nen an inkhelh huna ram tan a inlan dawn lo tihna a ni. Man City manager Pep Guardiola pawhin a keeper thar hi kartawpa West Ham 3-1 a an hneh ṭum khan squad-ah a la telh lo bawk.

South America ram 10 inel zingah Chile hian match ruk an khelh tawh aṭangin point 10 an hmu a, table-ah palina an ni mek. CONMEBOL aṭang hian a sang palite chu World Cup khel turin an tling nghal dawn a, pangna chuan Inter-Confederation Playoff an khelh a ngai thung.