Jorge Martin an zai

MotoGP champion lai Jorge Martin chu season thar inbuatsaihna an neih laiin a chesual a, a ban hliam chu hlawhtling taka zai a ni - an zai thu hi a team Aprilia Racing chuan an puang.

Sepang, Malaysia-a an tlan chhin ṭumin Martin hi a kut leh kea a hliam a, kum 27 mi Martin hi inenkawl turin Asia aṭangin Europe lamah a kir nghal, engtiang chena rei nge a chawlh dawn tih erawh sawi theih a la ni lo.

Aprilia chuan thuchhuah siamin, "Damdawi lam thiamte chuan Jorge Martin-a hliam hi a dam leh thuai thei turah an ngai, keini lam pawhin ṭha taka lo kir thuai turin duhsakna kan hlan bawk," an ti.

Khawvela bike intlansiakna sang ber MotoGP hi season thar atan an inbuatsaih cho mek. Inelna hmasa ber atan February tawpah hian Chang International Circuit-ah Thailand Grand Pirx an tlan ang.