Bumrah a tel thei dawn lo

Champions Trophy-ah India bowler ṭha Jasprit Bumrah chu a hnungzâng na vangin a tel thei dawn lo. Kum 31 mi Bumrah hi thla liam taa Australia nen Test match-a an inhmachhawn ṭumin a inhliam a, hemi hnu hian a la inlan leh lo.

Bumrah hi Harshit Rana-a'n a thlak dawn a, a thlaktu Rana hi kum 23 mi niin February 6, Ningani khan England lakah ODI match hmasa ber a khel a, ODI match hnih a khelh tawhah wicket li a la tawh a ni.

India hian leg spinner Varun Chakaravarthy chu opening batter Yashasvi Jaiswal aiah an dah lut bawk. Kum 33 mi Chakaravarthy hian Ferbuary 9-a England nen Cuttack-a an inkhelh ṭumin ram tan a vawi khat nan a khel ve chiah.

Champions Trophy hi February 19, Nilaini aṭangin khelh ṭan a ni dawn a, inelna hi Pakistan-in thleng dawn mah se India bik hi chuan Dubai-ah an khel ang.

India squad: Rohit Sharma (captain), Shubman Gill, Virat Kohli, Shreyas Iyer, KL Rahul (wicketkeeper), Rishabh Pant (wicketkeeper), Hardik Pandya, Axar Patel, Washington Sundar, Kuldeep Yadav, Harshit Rana, Mohammed Shami, Arshdeep Singh, Ravindra Jadeja, Varun Chakaravarthy.

Reserves (zin ve lo tur): Yashasvi Jaiswal, Mohammed Siraj & Shivam Dube.