30,000 pts score thei Durant

Nimin zing NBA inkhelah Phoenix Suns forward Kevin Durant chuan 34 points a nei a, 30,000 pts thei pariatna a ni. Kum 36 mi Durant hi LeBron James, Kareem Abdul-Jabbar, Karl Malone, Kobe Bryant, Michael Jordan, Dirk Nowitzki leh Wilt Chamberlain te nen huang khatah an awm.

Durant chuan, "Basketball tihmingṭha a, khawvel huapa ti lartute nena huang khata kan awm hi ka ngai hlu hle. Ka career-a eng emaw tih theih hi ka tum ve a ni a, hming langsarte nen min lam ho takah chuan eng emaw chu ka ti ve a ni ngei ang," tiin a sawi.

Footprint Center-ah Durant hian point 34 nei mah se Phoenix Suns erawhin Memphis Grizzlies 119-112 in an hneh lo thung.