Goal khung harsat pahnih inlan dawn

Vawiin tlai dar 2:30 hian Zo United leh Ramhlun North te Lam-mual-ah an inhma-chhawn dawn a, club pahnih hian tlarhma tihchak an mamawh ve ve.

Mizoram Premier League Season 5-ah Zo United chauhin goal an la khung lo a, chutihrualin an tlarhnung a phui
ṭhat avangin point thum an hlawh chhuak tho. Ramhlun North-in match li khelhah goal hnih chiah an la khung ve bawk a, an striker-ten goal la khung loin midfielder Zosangliana (Chhaia) goal khung an la ring.

Talea ka ringtawk - Rova

Armed Veng South tlangval Lalnunsanga'n Zo United tana a khelh hmasak berah goal a khung lo a, Chanmari FC nen goal awm loa an in draw ṭumin Tale-a hian Chanmari West rinrawl a nih lai a pha lo - hnai tak aṭangin a hlah.

Zo United coach Van-lal-rova chuan, "Tale-a hian goal khung hun a nei em em ang. Rei tak in-hliam hnua match hmasa ber a nih avangin a tan khelh a la harsa a, dawhtheihna kan lantir a ṭul a ni. Ramhlun North kan khelh hunah pawh hian goal a khung theihna turin inkhel bul kan ṭantir ang," tiin an striker chungah rinnna a nghat.

Rova hian midfielder Lalṭhazuala (Puitea) inhliam vangin a la chhar thei dawn lo a, Jesse Lal-din-puia hman theih a ni dawn lo bawk. Amah-erawh-chu Jesse thlak turin Elec-tric Veng tlangval Lal-hma-ngaiha a rawn kir tawh dawn a, tlarhnung tichak turin Malsawma Chhangte a chhawr thei tawh bawk ang.

Ramhlun N tan

insiamṭhat hun?

MPL kaithar Ramhlun North FC-in I Day Football final an thlen hnuah MFA Super Cup-ah first division club Venghlui FC an hneh lo. MPL5-ah Dinthar FC hnehin Tawia hoten bulṭan mah se Bethlehem VT an draw hnuah Chanmari FC leh Chanmari West FC an hneh lo.

Ramhlun North FC tan Zo United hi insiam-ṭhatna hun ṭha a ni a, an hnuaia awm club hneh hi point thum a ni satliah lo - Thawhṭanni tlaia champion lai Aizawl FC an hmachhawn hun atana inpuahchahna a ni bawk. Chutihrualin an chak lo a nih chuan relegation playoff khel thei dinhmunah an ding ang.