Napoli chak nuamsa. PSV chelhtu Rostov

Italian club Napoli-in an mikhual Benfica laka hnehna chang turin harsatna an tawk tam lo. Serie A club tan Dries Mertens chuan goal hnih khungin captain Marek Hamsik leh Arkadiusz Milik ten goal khat ve ve an khung bawk a, Portuguese club tana Goncalo Guedes leh Salvio goal khung chu an mualpho zualpui tur khuhtu mai a ni.

Russian Leicester 'Rostov' chuan an mikhual PSV Eindhoven chu 2-2 in an inhnehtawkpui. Rostov tan Dmitry Poloz chuan goal hnih khungin vawi hnih ngawt a team hi hma hruaipui mah se Dutch club tan Davy Propper leh Luuk de Jong ten an sut zel a, minute 55-naa an penalty hlawhchhuah chu PSV tan Propper chuan goal-ah a chantir thei lo thung.