Golden State-ah Curry a nghet

NBA Most Valuable Player a zawna kum hnih ni tawh Stephen Curry chuan Golden State Warriors chhuahsan tumna a neih loh thu a sawi chhuak.

American point guard hian kum 2012 khan Warriors tan hian kum li daih contract a ziak a, tuna a contract neih lai hi nakkum July 1 khian a tawp tawh dawn - a hma hun an zawt pawh hi a mak lo.

Zawhna chhangin Curry chuan, "He hmuna awm zel hi ka duh a, chhuah tumna ka nei lo. Mi hrang hrang lak aṭangin zawhna ka dawng hnem a, ka chhanna chu a ngai 'ka chhuak lo ang' tih hi a ni," tiin a sawi.

Kum 28-a upa Curry hian season hmasa khan regular season-ah Golden State hi match 73 zet hnehna chanpuiin Western Conference-ah pakhatna a nihpui. NBA Finals-ah pawh champion ngei tura rinkai ni mah se Cleveland Cavaliers lakah an vanduai thung.