Arsenal chakna Walcott

Theo Walcott-a goal hnih khung hmangin Arsenal chuan an mikhual Basel chu 2-0 a hnehin point li an hmu a, Group A hmahruaitu an ni - Paris Saint-Germain nen an point hmuh a inzat mek.

Emirates Stadium-a inkhelah England inter-national hian minute 7-na lekah Alexis San-chez-a siamsak chu Champions League-a a lu hmanga a goal khung hmasa ber ni turin a tauh lut, minute 26-naa a goal khung pawh Sanchez-a siam sak bawk. Chile international Sanchez hian season hmasa
aṭang khan Champions League-ah assist vawi sarih a nei tawh a, Bar-celona star Neymar (8) chiah tluk loh a nei.

Inkhel thununtu Gun-ners hian goal khung tumin an khingpui goal lamah vawi 19 zet an pet a, Swiss club tan goalkeeper Tomas Vaclik chuan Hector Bel-lerin, Alexis leh Nacho Monreal te goal khung tur ṭha
takin a dan sak a, Mesut Ozil chuan a hun
ṭha neih a khawhral bawk. Santi Cazorla chu khelmual laia roreltu niin vawi 94 zet pass a nei a, tlarhnungah Laurent Koscielny leh Shkodran Mustafi ten hna harsa an nei meuh lo.

Arsene Wenger-a nauten Premier League ṭan niah Liverpool hneh lo mah se an insiam-
ṭha chho tawh a, inelna hrang hrangah a zawnin match riat chhung chak loh an nei ta lo.

Kum 20 chhung Arsenal enkawl tawhtu Wenger chuan, "Inkhel kan thunun a, hun ṭha kan insiam hnem ngaihtuahin goal kan khung tlem deuh tih mai loh kha chu sawisel tur a awm lo. Ka naute khelh danah ka lawm hle a, a pawimawh ber nomawi kan la hlat avangin hmabak erawh kan la ngah," tiin a sawi.