Jayaram leh Praneeth ten hnehna chang

Super Series badminton tour-na-ment Korea Open khelh mekah Indian shuttler pahnih Ajay Jayaram leh B Sai Praneeth te chuan an khingpui ve ve hnehin second round an lut - hetihlai hian Kidambi Srikanth erawh a chak lo thung.

Kum 29 tling hlim Jayaram chuan nikum Malaysia Masters- a a lo hneh loh tawh, khawtual tlangval Jeon Hyeok Jin chu minute 45 chhungin 23-21, 21-18 in a hneh. Mumbai tlangval hian Huang Yuxiang a hmachhawn leh ang. Inkhel dangah Praneeth chuan Chinese Taipei shuttler Hsu Jen-hao nen darkar khat zet an inbeih hnuah 21-13, 12-21, 21-15 in hnehna a chang ve bawk.

Rio Olympic quarterfinalist Srikanth chu Wong Wing Ki Vincent lakah 10-21, 24-22, 17-21 in a chak lo. Commonwealth Games champion Kashyap pawh 22-20, 10-21, 13-21 in seeded palina Tian Houwei lakah a chak lo bawk a ni.