Wales tan Ramsey koh a ni lo

Arsenal midfielder Aaron Ramsey chu a malpui hliam a la dam chian loh avangin Wales-in October thlaa 2018 World Cup qualifier an khelh turah a inlan ve dawn lo.

Kum 25-a upa Ramsey hi Euro 2016-ah khan player pawimawh a ni a, player dang ang lo takin Premier League ṭan niah Arsene Wenger-a'n Liverpool a hmachhawn tir a, hetah hian inhliamin tun thlengin a la inkhel leh lo - hei hi Chris Coleman-a'n a thlan tel loh chhan a ni.

Midfielder Jonny Williams chu a hliam a dam hnuah training zawm leh tawh mah se a la fit tawk loh avangin koh a ni lo bawk a, ram tana match li khel tawh midfielder Shaun MacDonald chu koh niin, forward George Williams tan hmun a awm lo thung.

Euro 2016 semi-finalist hian September thla khan World Cup qualifier-a an match hmasa berah Moldova chu 4-0 in an sawp tawh a, bul an ṭan ṭha hle. October 6 hian Austria an hmachhawn ang a, hemi hnuah Cardiff-ah Georgia an mikhual zui leh ang.