Hull player manto ber Ryan Mason

Premier League club Hull City chuan an club chanchina player manto ber ni turin Tottenham Hotspur midfielder Ryan Mason an lalut tih an puang a, a man zat puang tel lo mah se pound maktaduai 10 bawr vel ni tura ngaih a ni.

England tana vawi khat inlan ve tawh Mason hi kum 25 chauha upa la niin kum thum chhung atan contract a ziak a, season hman zawh takah khan Spurs tan inelna hrang hrangah match 29 khelin goal hnih a khung bawk.

Manchester United striker Will Keane leh Cardiff goalkeeper David Marshall chuan Hull hi an zawm bawk a, Keane man zat hi puanzar ni bik lo mah se pound mak-ta-duai khat ni tura ngaih niin kum thum chhung atan contract a ziak a, Marshall man zat hi pound maktaduai 5 thlenga sang thei tura tih a ni.