Ibrahimovic a chawl rei bik

Jose Mourinho chuan Manchester United player zinga ram tana khel phak lo ho chu ni hnih chawlh a pek lain Zlatan Ibrahimovic erawh ni li chawlh a pe thung.

Portuguese manager chuan, "Kum 34-a upa nih tawh chuan hahdam a ṭul a, season khat chhungin match 70 khelh theih a ni lo. Ram tana thlan loh player-te chu ni hnih chawlh ka pe a, Zlatan erawh ni li ka pe thung. Player dinhmun a zir a ni a, match li khelh tawh aṭangin minute 360 khelmual chhungah a inlan a, chuvangin ni li chhung chawlh ka pe a ni," tiin chawlh a pek tam chhan a sawi fiah.

September 10, Inrinni khian Man-chester Derby khelh a ni a, hemi chung-chang hi sawiin Mourinho chuan, "Player ṭhenkhat chu Thawhṭanniah an rawn let leh mai dawn a, ṭhenkhat erawh Zirtawpniah an rawn let dawn thung. Sergio Romero, Marcos Rojo leh Antonio Valencia te Manchester City kan hmachhawn hma ni khatah an rawn let dawn. Hei vang hian derby match atana inpuahchah a harsa deuh dawn a, amaherawhchu ram tana khelh hi player tana a hlut avangin ram tana khel turin ka player-te ka duhsak," tiin a sawi.