Pune-ah Argentine midfielder

Indian Super Lea-gue club Pune City chuan Argentina U-20 inter-natio-nal hlui Gustavo Andres Oberman chu sea-son thar atan an lalut. Kum 31-a upa midfielder hian Argentino Juniors, River Plat, CD Castellon, CFR Cluj leh Cordoba CF tana khel tawhin Chilean club San Marcos de Africa a-
ṭangin Pune club hi a zawm.

Tun hnaia ISL zawm player langsar zingah Jamaica international goalkeeper Duwayne Kerr a tel a, champion lai Chennaiyin FC tan a khel dawn. Jamaica tana vawi 15 inlan tawh keeper hian ISL a pan hma hian a hun tam zawk chu Norwegian league lamah a hmang a ni.

Hetihlai hian Kerala Blasters chuan Ivorian defender Didier Boris Kadio chu Kazakhstan Premier League club Zhetysu aṭangin an lalut a, NorthEast United chuan South Korean club ṭha Gwangju FC aṭangin Fabio Neves Florentino an lalut bawk.