A club hluiah Rosicky a kir

Arsenal midfielder hlui Tomas Rosicky chu football nun bul a ṭanna Sparta Prague-ah a kir leh. Czech Republic club tan hian kum hnih daih contract a ziak.

Midfielder Rosicky hian Sparta aṭangin 2001 January thla khan Bun-desliga club Borussia Dortmund a zawm a, 2001-2002 season khan league nomawi a chawipui. Kum 2006 khan Arsenal zawm lehin hliam a nei ngun viau nachungin North London club tan hian kum 10 chhungin match 246 a inlan hman.

Kum 35-a upa hi sea-son hmasa tawp rual khan Gunners-a a contract neih lai a tawp a, a duh lam hawi thei tura chhuah zalen niin Czech tana match 105 khel tawhtu hian an rama inkhelh a thlang ta a ni.

Rosicky chuan, "Ka bul-ṭanna hmuna ka kir leh thei hi ka lawm a, he hmunah hian nuamti taka inkhel tur ringawtin ka lo kal lo, hnehna chang thei tura rim taka thawk turin ka lo kir a ni zawk," tiin a sawi.