Barca striker thar Paco Alcacer

La Liga champion Barcelona chuan Valen-cia aṭangin striker Paco Alcacer chu pound mak-taduai 25.5-in an lalut a, a man hi a khelh ṭhat dan a zirin pound maktaduai 1.7-a pung leh thei tura tih niin Nou Camp-ah hian season nga chhung khel turin contract a ziak.

Valencia chuan Barca forward Munir El Haddadi chu season khat chhung atan loan-in an hawh ve thung a, season tawpah an duh chuan a nghetin pound maktaduai 10.2-in an lalut thei ang.

Kum 23-a upa Alca-cer hi Spanish player beiseiawm ber pawl niin Valencia tan season thum chhungin inelna hrang hrangah goal 43 a khung a, season hmasa khan match 40 a inlanah goal 15 a khung bawk.

Catalan club hian Spain tan vawi 13 in-lana goal ruk khung tawh striker hma hian goalkeeper Jasper Cillessen, defender Lucas Digne, Samuel Umtiti leh midfielder Denis Suarez, Andre Gomes te an lo lalut tawh a ni.