Wilshere-a'n Cherries a zawm

Arsenal midfielder Jack Wilshere chuan tun season chhung atan AFC Bournemouth chu loan hmangin a zawm. Gun-ners hian striker Serge Gnabry chu Werder Bre-men-ah an chhuahtir bawk.

Gunners academy chhuak Wilshere hi an club chanchina player beiseiawm ber pawl a ni a - 2008 khan kum 16 leh ni 256 chauha upa a nih laiin Blackburn Rovers a hmachhawn. Kum 16 leh 329 khan European football-ah inlan bawkin an club chanchina league leh Europe-a inlan thei naupang ber a ni.

Kum 24-a upa Wil^-shere hian tun thengin Arsenal tan match 159 a khel tawh bakah England tan vawi 34 a inlan tawh bawk. Tun hnaiah hliamin a tihbuai ngun deuh avangin a inkhel tam thei lo, tun season match hnih a khelh tawhah pawh substitute bench aṭanga luhtir a ni.

Arsenal manager Ar-sene Wenger-a'n pound maktaduai 35-in Switzerland midfielder Granit Xhaka a lakluh bawk avangin Wilshere hi a inkhelh tam theihna tur hmun zawn a phal sak.

England international midfielder hi Bourne-mouth leh Crystal Palace nen sawi zawm a nih hnuah Italian club AS Roma an rawn lang ve leh a, amaherawhchu Gunners-in season ṭan-tirh-a defender Kostas Manola an dawr ṭuma Italian club chet danah an lungawi loh avangin Serie A lama kal an phal lo.

Gunners hian Wilshere bakah hian Gnabry chu Bundesliga club Werder Bremen hnenah an chhuah - German rawlthar erawh a nghet a chhuak a ni thung. Kum 21-a upa Gnabry hian Rio Olympic-ah khan goal ruk khungin Germany chu silver medal a hlawh chhuak sak a, transfer chungchanga Wen-ger-a thutlukna
ṭawm-pui lo an awm a nih pawhin thilmak a ni lo.