Goal nen Keane a chawl

Robbie Keane chuan Republic of Ireland tana a match hnuhnung ber chu Nilaini zan khan a khel a, Oman lakah goal khat khungin an ram hi 4-0 in hnehna a chanpui a - chawlh dan duhthusam a ni.

Ram tana match 146 kheltu Keane bakah hian Jonathan Walters chuan goal hnih khungin Robbie Brady-a'n goal khat a thawh ve bawk. LA Galaxy striker hi minute 56-naah lak chhuah niin khelmual a chhuahsan dawnah fan-ten zahna an lantir a, thawn a
ṭha ham ham hle.

Kum 36-a upa Keane chuan, "Ram tana kum 19 ka khelh hun chhung khan hun nuam leh hlimawm ka hmang, zanina min thlah tur leh min lawmpui tura rawn kal khawm zawng zawngte chungah lawmthu ka sawi. Tun
aṭang chuan rinawm taka inkhel entu ka ni ve tawh ang," tiin an ram pasal-
ṭhate chu khelmual pawn aṭanga ṭawiawm zel a thum thu a sawi.