Spurs-ah Sissoko

Tottenham Hotspur leh Everton-in transfer tawp niah Newcastle United midfielder Mous-sa Sissoko an inchuh a, club pahnihin pound maktaduai 30 sen an in-huam ve ve hnuah France international hian Tottenham a zawm.

Spurs lan hmain New-castle hian Everton dawrna an pawm vek tawh a, mah se mimal thila an inrem theih loh avangin White Hart Lane-a kum nga chhung khel turin contract a ziak ta zawk a ni.

Kum 27-a upa mid-fielder chuan, "He team leh fan-te tan ka theihna zawng zawng ka pe dawn a, match tam taka hnehna chang chungin nomawi tam tak kan chawi ka beisei a ni," tiin Euro 2016 khelh zawh taka France player pawimawh chuan a sawi.

Tottenham hian Es-panyol goalkeeper Pau Lope chu loan-a hawhin Marseille winger Georges-Kevin Nkoudou chu kum nga chhung atan pound maktaduai 9-in an lalut bawk a, winger Clinton Nijie chu France Under-21 international Nkoudou club hlui lamah hian loan-in an kaltir thung.