Stoke-ah Bony a lut

Manchester City stri-ker Wilfried Bony chuan season khat chhung loan-a khel turin Stoke City a zawm. Kum 27-a upa Bony hian January 2015 khan pound maktaduai 28-in City a zawm a, league match 15-ah inkhel bul ṭanin Pep Guardiola hnuaiah a la inlan miah lo thung.

Potters hian Porto defender Bruno Martins Indi chu loan-in an hawh bawk a, Netherlands international hi season tawpah an duh chuan a nghetin an lalut thei dawn. Derby goalkeeper Lee Grant chuan January thleng khel turin Stoke hi a zawm bawk a, kum 17-a upa defender Cameron McJannett chu Luton
aṭangin a man zat puanzar lohin an lalut bawk.

Hetihlai hian Stoke defender Philipp Woll-scheid chuan Wolfsburg chu loan-in a zawm ve thung a, kum 26-a upa forward Joselu chuan Spanish club Deportivo la Coruna chu loan-in a zawm bawk a ni.