Leicester player manto ber Islam Slimani

Premier League champion Leicester City-in Champions League an khel dawn tih an hria a, tih mai mai an tum lo - an club player manto ber ni turin Sporting Lisbon striker Islam Slimani chu pound maktaduai 29-in an lalut a, midfielder Gokhan Inler chu Besiktas lam-ah loan-in an kaltir thung.

Kum 28-a upa defender hian King Power Stadium-ah kum nga chhung cham turin contract a ziak a, season hman zawh taka Sporting Lisbon tana goal 27 khung thei striker hi Premier League striker hmuhnawm pawl ni tura beisei a ni.

Leicester City hian Jamie Vardy, Riyad Mahrez leh Danny Drinkwater te chu contract thar an ziahpui bakah Nigeria international Ahmed Musa an lalut tawh bawk a, 2014 World Cup Brazil-a goal hnih khungtu Slimani an neih leh tak bawk avangin Premier League club hlauhawm zingah chhiar hmaih chi an ni tawh lo.