NorthEast United beiseina a nung

Ningani zan Indian Super League inkhelah NorthEast United chuan 2-0 in Jamshedpur FC an hneh a, playoff khelh ngei tumin an dinhmun an siamrem zel - table-ah palinaah an invawrh chho.

Highlander tan striker 'form' em em mai Alaaeddine Ajaraie chuan goal hnih a khung a, Moroccan international hian tun season ISL-ah goal 20 khung tawhin, ISL season khata goal khung hnem ber record a siam.

Ajaraie hma hian Ferran Corominas (FC Goa, 2017-18) leh Bartholomew Ogbeche (Hyderabad FC, 2021-22) te chuan ISL season khata goal khung hnem ber record lo siam tawhin, goal 18 ve ve an khung.

Kum 32 mi Ajaraie-a'n JFC an hmachhawn hmain goal 18 a khung tawh a, goal hnih khungin record thar a siam ta - heti zat khung tur hian match 21 chiah a mamawh a, assist vawi nga a nei tawhbawk.