Schwartzman-a'n inkhelh a chawlhsan

A vanglaia mipa tennis world number 10 zinga tel phak Diego Schwartzman chuan professional tennis a chawlhsan thu a puang - Argentina Open khelh laiah Schwartzman hian second round a paltlang zo lo a, a tennis zinkawng a tawp zui ta bawk a ni.

Tun dinhmunah chuan Schwartzman hi world number 386 a ni a, a vanglai a pel tawhin a tlahniam tawh hle - a ṭhat vanglai chuan world number 8 pawh a ni phak ṭhin.

A hun hnuhnung hi an ramah a hmang a, Spanish tlangval Pedro Martinez nen inkhelin 6-2, 6-2 in a chak lo zawkah a ṭang - a match hnuhnung ber hi Argentine tennis player hlui Gabriela Sabatini leh Guillermo Coria ten a hmunah an ṭawiawm a ni.